Buh-Bye Friendster!

Hindi ko alam kung may mas nauna pa, pero friendster talaga ang alam kong patok na patok noon na social networking site.Though merong Yahoo! Messenger ( o YM for short na pwede kang makipag-chat) na automatic kang magkakaroon kapag meron kang Yahoo! account, friendster talaga ang alam kong mabentang-mabenta nun, lalo na sa mga kabataan.

Naalala ko pa, nung highschool ako kapag computer subject namin, yung iba kong kaklase yan ang inaatupag- ang pagpre-friendster. Wala akong kaalam-alam nun sa ganyan kasi pa akong account. 

Grumadweyt ako ng highschool, wala pa rin akong friendster. 
Nung bakasyon bago magkolehiyo, kinukumbinse ako ng pinsan kong gumawa ng account, pero hindi sya nagtagumpay! Wahaha! 

Dumating ang araw na gumawa na rin ako ng sarili kong account. Ang dami na kasing meron nun, papahuli ba ako (pero, late na ako nun... Akalain mong 2006 na ako gumawa ng friendster ko. Yun yung taon na ni-launch ang twitter ... Haha!)

Dyan nauso ang mga katagang "i'ts complicated" (status ng iyong puso)... 
Pati ang "testi" na pinaikling salita para sa "testimonials" na kalauna'y naging "comments" (Post Comments) na...

Hanggang naging adik na ako. 
Kung anu anong designs and applications ang ginagawa at pino-post ko sa aking profile. 
Dumating sa point na gumawa ako ng iba't-ibang accounts (may reserbang pangsarili, may pang-artista, may para sa mga classmates ko nung 4th year highschool,  meron para sa mga ka-block ko nung college at meron pang mga iba...)
Nakakaloka ang kaadikan ko, 'di ba?

Last year, habang adik na adik pa rin ako sa friendster, panay ang basa ko sa mga shoutouts ng aking mga friends dun na "I'm more active on facebook" 
o kaya... "I was thinking of deleting this account and move to facebook, pero sayang ang contacts.". 
So na-curious ako, (though matagal ko nang alam at naririnig ang facebook) ano ba ang meron sa facebook na yan at nagsisilipatan sila?!!!
Ma-check nga! 

Gumawa ako ng facebook account. Hindi ko pa alam ang pasikot-sikot. Naka-add ako ng mga 2 friends lang. Nung bubuksan ko na uli sa pangalawang pagkakataon ang FB account ko, ayaw na!!! Anyahreh?!!! 


Eh di bumalik ako sa friendster. 
Napa-isip ako... "ang dami nang umaalis dito at pumupunta sa facebook, samantalang dito sila nag-umpisa. MGA WALANG UTANG NA LOOB!!!" 
Yan talaga ang naisip ko at nasaktan ako para kay (tao?! :D) Mareng Friendster. :(


Di naglaon, may narinig na naman ako..... twitter! 
Uy, parang ang ganda sa pandinig nun ah! 
Masubukan nga... 
Gumawa ako ng account... naaliw (dami artista eh!). 
Hindi ko pa naman iniiwan ang friendster. 


Bumalik ako sa facebook... 
Wala pa rin akong kaalam-alam dun, maliban sa "ang pangit ng background na white and blue lang"  (unlike sa friendster na pwede kang mamili ng mga gusto mong background, themes at kung anu ano pa). 

Nalaman ko na meron palang mga laro sa facebook! 
Dun! Dun ako nag-umpisang mahumaling sa facebook!
Sabay ko pang binubuksan ang account sa FS at FB...
Pero habang tumatagal, nakakalimutan ko nang mag-log-in sa friendster dahil sa aliw na naibibigay sa akin ni Facebook. 


Ngayon ay meron na akong accounts sa iba't ibang social networking sites: 
Facebook (dalawa), Twitter, MySpace (na mas nauna sa FB at twittah na magkaroon ako), youtube (na hanggang ngayon ay wala pa rin akong naipo-post na video ko), plurk at marami pang iba. 


Sa ngayon, bihira ko nang buksan ang aking friendster account. 
Pero... hindi ko pa naman nakakalimutan at wala akong balak na burahin yun. 


Lagi kong naiisip na ang mga uso at sikat na mga social networking sites ngayon ay malalaos din. Dahil darating ang panahon na mas marami at mas magaganda pang mga imbensyon ang magsusulputan at matatabunan din ang mga gaya ng facebook at twitter. 
Gaya nga ng sinasabi ng marami... things just come and go! 


Buh-bye friendster!